|
| 放左自己成三個星期假...終於要重新過番返工o既生活喇...本來只有上海灘個老板叫我返星期五,六,但係今晚阿中放左工之後突然同我講美華樓又叫我去試工...當然,有工返我好開心,賺到錢的話生活費方面唔駛咁緊張,而且快o的賺到機票$,返香港o既機會就越大,最難得o既係美華樓個經理(老板?)仲記得我....不過美華樓淨係叫我...而無叫肥佬....皆因肥佬同個經理講佢仲有半年就畢業...可能因為呢個原因,個經理嫌佢逗留時間太短,好快就會唔做,所以無叫佢試工.....有o的可惜.....至於winnie同阿雪呢...快o的準備定份resume遞去美華樓喇...電話都無留俾人地...人地點通知你試工? 機會...成日都會出現係自己旁邊~我承認自己係一個好幸運o既人,我由中五以來所做o既每一份兼職,唔係朋友介紹,就係阿媽舉薦,雖然看起來真的很不錯...不過我o的面試經驗就一定唔夠....真係唔想畢業之後俾人笑"大學生都唔識見工?"所以而家開始要惡補一下見工方面o既知識...所以呢...社會大學先至係全世界最難入o既大學... | | |
| 放左假成兩個星期喇~雖然都無咩特別節目陪我過,而且又唔駛返工,但係我覺得一o的都唔悶呀~因為呢兩個星期內可以做自己鐘意做o既事,特別係半年前仲未打爆機o既G Generation DS...= =...仲有Financial Planning + BRM notes re-writing, 學打C.S,打忍者game等等無聊事,但係就過得好充實,充實到晚晚都係凌晨先訓...(澳洲而家日長夜短,凌晨4:00am就已經天亮等日出..=o=|||) 至愛o既生日過左,又係一樣好平淡咁過,生日禮物送左,蛋糕亦都遙距地切左,但總係覺得無左個種生日氣氛....始終都係看到o既,碰到o既東西最為真實,下年生日同紀念日我真人都陪唔到你過,你會恨我嗎? 尋日同Meng Foo陪完Tang Kai練車之後,Tang Kai就話今日一齊去BBQ同埋溜冰~嘩~BBQ同溜冰wor~當然仆到去啦~下午4點出發,去到一個叫做Waterwalk o既郊野公園到BBQ,呢邊BBQ好得意架~唔似得香港咁要用炭透爐....反而係用樹枝同樹葉...= =不過又幾易透同大火wor~唔錯~今次又係multi-cultural gathering,有韓國,馬來西亞,香港,中國內地,又識多一個上海姑娘叫Judie,樣貌唔錯架~傻傻地幾可愛~都話上海姑娘正架啦~hehe~BBQ後玩左一陣自我介紹同埋團體遊戲就出發去溜冰喇~(有咩理由我會輸俾cecilia架...竟然俾你叫快一步!!!\_/) 去到溜冰場後,本來要$11.5o既入場費,因為我地係學生o既關係,所以每人只需要$9~算便宜啦~呢個總算係一大班人玩o既好處! 話就話成大班人,但係12個人之中真正識得溜冰o既只得一個...就係Tang Kai...難怪佢會咁興致勃勃叫我地去溜...- -|||...另外阿中同肥佬都算識溜,溜得快之餘又唔怕跌wor....至於其他人呢...大部份都係一仆一碌...有o的就好似我咁,識"溜"但唔識停...有o的就係初學者,而cecilia,winnie都阿雪就其中o既表表者~恭喜cecilia終於識得溜啦~都幾聰明wor,學野都幾快~好過某o的人架喇~haha~~快樂的一天就係咁簡單~^^V | | |
| 尋日終於考完試喇~感覺比上一個sem良好~不過今個sem我竟然夠薑係考試期間返工,如果考得唔好真係自己衰~成個10月都係忙碌中渡過,由9月尾忙到11月頭,時間過得充實歸充實,但係同朋友之間o既溝通就少左好多,上個sem晚晚都玩得好累,今個sem就晚晚忙到好累....所以我都幾佩服自己咁捱得....捱左咁耐先出得一條白頭髮....=o="" 老子下星期六就返香港喇,屋企就變得清靜,而且下年開始又未必會一齊住,所以盡可能珍惜同佢同一屋簷下o既生活啦~雖然我要係度讀summer course,唔可以考完試即時返香港,不過我會係度賺多o的外快,等考完summer exam之後就即刻返香港過新年,同家人,至愛一齊返鄉下玩~幾好呀~^^上次返左香港之後玩足成個月都玩唔夠,有好多人都冇約出黎食飯,所以下年2月回歸之時我要再好好珍惜那不足一個月o既假期喇~ 一直都唔敢相信自己武斷而無憑無據o既預言,但係經過兩個sem o既變遷,發覺自己都有o的預知能力,或者同觀察力有關啦~所以呢,係度預祝係澳洲o既各方好友今個sem每科成績都不負所望,種善恩,得善果! 至愛o既生日就快到喇!係度預祝你生日快樂先~你呀,咩都唔重要,最緊要係身體健康,工作順利,和和氣氣,至於你份週年紀念禮物呢,慢慢等啦~差唔多一個月o既時間,應該到左香港架喇~另外...嘿嘿嘿..都係唔話你知住喇..呵呵~ | | |
| 尋日終於第一日正式返工,感覺比上一次好,可能因為有心理準備o既關係啦~今次加埋全套制服上陣,特別精神~不過發生左一件小插曲,令我差o的俾老細鬧... 事源有一個上海客已經點左一碗餛飩湯,後來當事人再揮手召我過去再點菜,佢指住個碗餛飩湯,話"我要多一碗"....各位,換轉你是我,你會點樣理解呢句說話,你覺得佢o既意思係: A: 要多一碗餛飩湯丫~ B: 要一個碗丫 當時的我選擇左A,並且向有關同事報告有人要點菜,而菜單已經轉去廚房了...報告完畢後我再企番係原來o既位置,誰知那個客人話,"我的碗子在那裡?可以快一點嗎?"...糟!!根據佢呢句說話,我好肯定佢要o既係答案B......於是我即刻走去廚房大叫:"頭先o既餛飩湯落錯左order,唔好做住呀"...阿Ken (大廚是也) 都O左咀咁應我:"好...收到喇..." 其實Ken哥呢一句回應,我都心知不妙,因為落錯order點錯菜係會俾老細插到飛起...不過我都好勇敢同阿Jane道歉....阿Jane都話:"算啦,幸好你及時趕到,否則菜做好了就糟了".....老實講....無俾人鬧係運氣,但呢件事我相信我o既印象分又減少左幾分喇...... 後來真係天意弄人....那個死上海佬又叫我點菜,佢同我講話個餛飩湯好好味,想再要多一碗! 我真完完全全係被耍啦~我再問多佢一次係要多一碗湯還是要一個碗,佢今次就好肯定要多一碗湯,我先至敢同阿Jane講個上海佬要多一碗湯!!哎唷...真係險過剃頭啦.... 臨近考試喇,我先至有工返...究竟係咪上天俾我o既考驗呢? P.S: 我個facebook終於開張喇~得閒就上去玩下啦~好好玩架~ http://www.facebook.com/profile.php?id=542092943 或者 上www.facebook.com後係search engine度search Kevin Lau | | |
| 一個月前, Cindy早已經把我介紹到她工作的地方---上海灘, 而且老闆 Jane (香港長大的上海人) 亦都點頭同意把我僱用, 還在見工當晚即時試工, 當作是實習的一部份......所謂試工實習, 當然是沒有薪水的, 我明白. 但是後來卻全無音訊, 連第二次"實習" 的機會都沒有...就算我主動致電老闆詢問有關實習之事, 她都以繁忙時間為由 (當時只是4:00pm) 拒絕回應...本來我都打算放棄這份工作了...但驚喜的是, cindy昨晚傳來的一個SMS, 令我內心很掙扎. SMS內容是: "Hey Kevin, Jane asks when will you be able to work?" 照字面看來, Jane看來是重新把我僱用了,而我都以這樣一句回覆Cindy: "Really? Could you please tell her whenever I am able to work after next monday". 但短訊送出以後,我心情無特別興奮, 反而有點後悔之意..為何? 畢竟現實就是現實, 有用處的時候當然受到僱用, 沒用的時候? 靠! 近來好欣賞那些懂得努力上進的人, 反而那些自以為是天才的人, 真是令人嘔心! 考試將近了, 我要做那種人心中已有分數. 加油~ | | |
|
